LAOAG CITY – Dakkel ti epekto na iti turismo idiay Paris, France ti pannakauram ti Notre Dame Cathedral.
Daytoy ti inbatad ni Mr. Jhae-ar Balico, taga Sarrat, Ilocos Norte ngem agdama nga agnanaed idiay France.
Inlawlawag na nga iti siyam a tawen na idiay France ket napaneknekan na ti kinalatak ti nasao a simbaan.
Inbatad na nga amin a turista nga agturong idiay France ket ti nasao a simbaan ti umuna a saludsuden ken pagturungan da, malaksid laeng iti Eiffel Tower.
Nupay kasta, mamati ni Balico nga agaramid a dagus ti wagas dagiti taga France tapno matarimaan a dagus ti nasao a simbaan.
