LAOAG CITY – Ibilang ti Philippine Olympic Committee a maysa kadagiti pakasaritaan iti Philippine history ti panangabakna iti dua a balitok a medalya ni Carlos Yulo iti Paris 2024 Olympics.
Gapu iti daytoy, kunada a maibilang a nangrugin ti “Golden Chapter in Philippine Gymnastics”.
Malaksid iti Men’s Floor Exercise, nagun-od pay ni Yulo a kampeon iti Men’s Vault.
Kuna ti ahensya a saan laeng a nangabak ni Yulo iti balitok no di ket nangi-set pay iti nangato nga standard ti gymnastics ditoy pagilian.
Malaksid iti Philippine Olympic Committee, kinablaawan metten ni Pres. Bong Bong Marcos ti Filipino gymnast gapu tj inpaay na a pammadayaw ditoy pagilian.
Agramanan ti National Security Council (NSC) ken National Task Force to End Local Communist Armed Conflict (NTF-ELCAC) ket kinablaawanda ti balligi ni Yulo.
Iti statement nga inruar ti National Security Council ken National Task Force to End Local Communist Armed Conflict agserbi ti balligi ni Yulo a kas simbolo ti panagkaykaysa, panagregget ken pammaneknek ti di agkupas a determinasion dagiti Pilipino.
Kabayatanna, ti balligi ni Yulo ket agserbi met nga inspirasion iti tunggal Pilipino ken maibilang a napateg a paset ti pakabigbigan ti pagilyan.
