LAOAG CITY – Maysa a panpanniki ti nakaruk-at manipud iti maysa a zoo idiay Germany iti babaen ti panaglemmengna iti maysa a turista iti jacket daytoy agingga a nakaawid.
Inbatad ni Elina Öfele, agpaspasiar isuna ken ti anakna iti maysa a kueba dagiti panpanniki iti Karlsruhe Zoo idiay southwest Germany.
Idi nakaawid daytoyen, inikkatna ti jacket daytoy ket natnag manipud iti daytoy ti panpanniki iti datar.
Nakikoordinar ni Öfele iti maysa nga animal expert ken inkabil ti panpanniki iti maysa a karton nga addaan ti honey water ken maysa a saba tapno adda ti makanna ken agbalin a komportable daytoy nga agpatnag.
Iti kabigatanna, inkabil ti asawa ken anakna ti panpanniki iti zoo.
Kabayatanna, basar iti pannakangiwat ti zoo, naisublin ti leaf-nosed bat iti balayna ken adda iti nasayaat a kasasaad no sadinno daytoy ti umuna a gundaway nga adda ti nakaruk-at a panpanniki manipud iti zoo babaen iti panagkapetna iti jacket ti turista.
