LAOAG CITY – Naragsak nga inpakaammo ni Mr. Victor Dabalos, mangidadaulo ti Provincial Environment and Natural Resources Office nga ad-adda pay a mapapintas ti Paoay Lake Protective Landscape.
Segun kenkuana, apaman a nagbalinen a paset daytoy iti National Integrated Protected Areas System manipud iti dati a Paoay Lake National Park ket mapundoanen kas regular iti Department of Environment and Natural Resources Office ken dadduma pay nga ahensia iti national government.
Inbatadna a babaen iti daytoy ket ad-adda pay a mapapintas ken mapasayaat gapu ta ad-adun ti mailatang a pundo para iti daytoy.
Inlawlawagna nga addanto pay ti maipasdek nga opisina ket adda dagiti ma-hired nga staff a mangkita ken mangbantay ti Paoay Lake Protective Landscape.
Maipalagip a naideklarar kas protective landscape ti Paoay Lake iti ili ti Paoay babaen iti panangpirma ni Presidente Ferdinand Marcos Jr. ti Republic Act No. 12230.
