LAOAG CITY – Inlawlawag ni Mayor Jessie Galano iti Paoay, Ilocos Norte nga addan dagiti ar-aramiden da nga addang kalpasan a naawat da ti dismissal order manipod iti Ombudsman.
Nupay kasta, saanen a nailawlawag ti mayor no ania dagiti ar-aramiden da a remedyo gapu ta ti laeng abogado na ti makailalawag.
Iti baet daytoy, inpasingked ni Galano ti agtultuloy a panagserbi na kadagiti kailian na.
Inpakaammo pay ni Mayor Galano a naabswelton iti naipila kenkuana a kaso kriminal ken ti laengen kaso administratibo ti sangsangwn na iti agdama.
Namonganay daytoy iti panangperma na ti travel order dati a Sang bayan member Bruno Dumlao iti ili a Paoay.
