LAOAG CITY – Na-acquit ti kaso a naipila kontra ken ni Mayor Jessie Galano ti ili a Paoay.
Daytoy ket pakaseknan ti Usurpation of Authority a naipila kontra kenkuana idiay Ombudsman kalpasan a pinirmaan na ti travel order ni dati a Sangunaing Bayan Member ngem itan Municipal Administrator Bruno Dumlao idi daytoy ket Bise Mayor.
Kuna ni Galano a kalpasan nga inpaima ti Ombudsman a maadal daytoy iti nababbaba a korte isu a daytoy itan ti nagbanagan na.
Saan a naliklikan ni Galano ti nagbalin nga emosyonal iti resulta ti nasao a kaso ngem kiniddaw na a saan kadi nga isu ti rason tapno maaddaan da ti rikki iti nagbabaetan dagiti nangisaklang kenkuana.
Imbes ket kiniddaw na ti panagkaykaysa da para ti nadur-dur-as pay nga ili da a Paoay.
Nagyaman ti Mayor gapu ta napaneknekan nga awan ti sinalungasing na idi pinalubusan na nga agbiyahe ni Bruno.
