LAOAG CITY – Kinumpirmaran ni Father Joey Ranjo, ti pannakangiwat ti Diocese of Laoag a nagtataripnong da a papadi ditoy probinsya kalpasan nga adda ti memo alert pakaseknan ti maipagarop a kaaddan dagiti terorista iti Region I.
Basar iti memo alert manipod iti Armed Forces of the Philippines (AFP), karaman kadagiti target dagiti terorista ket dagiti simbaan.
Inbatad ni Ranjo a nakikoordinar da metten iti Philippine National Police (PNP) para ti pannakaipaay ti seguridad kadagiti simbaan kangrunaan na no adda dagiti maisayangkat a misa.
Inlawlawag na nga uray agpapagayam amin a tao ditoy probinsya ket saan latta a rumbeng nga iyaleng-aleng ti maibagbaga a pangta ti terorista iti Region I.
