LAOAG CITY – Nakasangpeten ni Archbishop Charles John Brown (Papal Nuncio) ditoy probinsya.
Ni Papal Nuncio ket maysa nga American Citizen ken orihinal a padi idiay New York ken isuna ti nadutokan kas diplomat ditoy pagilyan.
Segun iti pannakangiwat ti Diocese of Laoag a ni Melchor Palomares, ni Papal Nuncio ti mangirepresentar ken ni Pope Francis manipud Vatican.
Inlawlawag ni Palomares a ni Papal Nuncio ti mangibagi ken ni Pope Francis nu saan a maka-atendar kadagiti amin nga aktibidad ken programa a kasapuln iti presensiya na.
Mainaig iti daytoy, manamnama nga agturong isuna iti St. John the Baptist Basillica ken iti La Virgen Milagrosa de Badoc tapno mangiwayat ti misa.
Kalpasan na ket agturong iti Barangay Ugis iti ili ti Nueva Era, gapu ta manamnama a maangay iti Christ the King ita a tawen iti nasao a barangay, bayat nga agturong pay isuna iti Bishops Residence ditoy ciudad ti Laoag sakbay nga agawid.
Inpakaaamo ni Palomares a daytoy ti kaunaan a gundaway a bumisita ti nasao nga Archbishop ditoy probinsiya.
Kabayatanna, inpettengna nga adda ipaay Philippine National Police a security force nu sadino a saan da daytoy a panawan agingga a makaawid.
