LAOAG CITY – Nakagun-od ti umuna a balitok a medalya ti pambato ti Quezon City iti agtultuloy nga 8th Philippine National Para Games.
Daytoy ket kalpasan a nangabak ti balitok a medalya ni Para swimmer Christian Benedict Paulino iti ay-ayam a naiyuswat iti Rizal Memorial Sports Complex swimming pool.
Ti agtawen iti 20 a ni Paulino ket indauloanna ti men’s 400 meter freestyle S6-S7 iti uneg ti innem a minuto ken 55.61 segundo.
Inbatadna a daytoy ti umuna a gundaway a nagballigi isuna iti National Para Games.
Kunana a napalaos ti kinaragsakna gapu ta daytoy ti rugi tapno makapartisipar iti Paralympics.
