LAOAG CITY – Nagleppasen ti kampania iti Paralympics ni Para Swimmer Angel Otom.
Daytoy ket kalpasan a nagleppas isuna iti maikalima a puesto iti women’s 50 meters butterfly-S5 finals.
Adda ti pakabuklan a 45.78 seconds ti nairekord nga oras ni Otom tapno magun-od ti maikalima a puesto.
Nagballigi ti balitok a medalya ni Lu Dong ti China nga addaan ti 38.17 seconds no sadinno a naburakna ti napalabas a rekordna a 39.32 seconds ti agpada a Chinese swimmer a ni He Shenggao idi 2023.
Naammoan a ni Shenggao met ti nakagun-od ti silver medal nga addaan ti 38.98 seconds idinto a ni Sevilay Ozturk ti Turkey ket nakairekord ti bronze medal nga addaan ti 43.70 seconds.
