LAOAG CITY – Inpanamnama ni P/Supt. Jay Deguzman, Deputy Prov’l Dir. for Administration a mangiwayat da ti “parallel investigation” iti alegasyon a ti napasamak iti ili a Vintar a ti pannakatay ti agnagan ti Cjay Mabanag babaen iti pannakapaltog na ket kameng ti pulisya ti naso nga ili.
Segun ken ni Deguzman, babaen iti daytoy ket nalawlawagan ti amin ken maduktalan no ania ti pudpudno a napasamak kalpasan nga inbaga ti live-in partner ti biktima a saan a nagpaputok wenno limmaban ti live-in na.
Kuna ti opisyal a welcome para kadakuada no agpila ti reklamo ti pamilya ti biktima tapno malawlawagan da ket maikkat ti panagduadua iti nagbalin nga operasyon ti PNP-Vintar kontra iti nasao a biktima.
Karaman pay ditoy ti alegasyon ti pamilya nga awan ti ik-ikutan a maipawil a droga ti biktima kas nakumpiskar da iti ikot na idi maitaray iti hospital
Maipalagip a pimmusay ni Mabanag kalpasan a maipagarup a limmaban kadagiti pulis a nangiserbi ti warrant of arrest kontra iti daytoy gapu iti kaso na a murder.
