LAOAG CITY – Saan a nakaliklik iti global outage a napasaran ti Paris Olympics.
Basar kadagiti organizers a naapektaran ti IT operations-da nga adda iti likud ti accreditation system a mangipapaay kadagiti badges para iti opening ceremony inton Hulio 26.
Posible met a maitantan ti panagsangpet dagiti atleta gapu ta naapektaran iti nasao nga outage ti adu nga erupuerto iti intero a lubong.
Nagpaiwarasdan ti technical teams ken inpatungpalda ti contingency plans tapno saan a maitantan ti operasionda.
Maipalagip nga inadmitir ti kompania a Microsoft a manarimaanen ti panangiyurnosda ti nasao a problema pakairamanan ti cybersecurity company a CrowdStrike ket agar-aramiden ti addang tapno maiplastar ti nasao a problema.
