LAOAG CITY – Inpasigurado ni Mrs. Jennifer Frances Gapuzan, Community Affairs Officer II ditoy ciudad ti Laoag iti pannakaurnos dagiti pagparkingan dagiti behikulo kabayatan iti Undas.
Segun kenni Gapuzan, daytoy ket tapno naannayas ti taray dagiti behikulo ken awan ti tumaod a problema kadagiti pagparkingan iti lugan dagiti residente nga agturong iti kamposanto ket addan to ti maymaysa a lugar ti pagparkingan.
Inbatadna a babaen iti koordinasionda kadagiti traffic enforcer Philippine National Police ken dadduma pay nga ahensia ket urnusen da daytoy tapno saan a nawara ti pangikabkabilanda kadagitoy.
Mainaig iti daytoy, kunana nga iti pay maysa nga urnusen da ket dagiti pagyanan dagiti aglako iti mismo kamposanto.
Nupay kasta, kuna ni Gapuzan a daytoy ti maysa nga ar-aramidendan kadagitoy a gundaway tapno napintas to latta ti taray ti trapiko kabayatan iti Undas.
