LAOAG CITY – Kinumpirmaran ni Pol. Exec. MSgt. Marites Ramos, ti Municipal Executive Senior Police Officer iti ili ti Currimao a maysa maysan a bangkay a nabirokan ti maysa a lalaki iti kabakiran a paset ti Brgy. Pias Norte iti nasao nga ili.
Binigbig ni Ramos ti biktima a ni Rosevelt Silao y Pascua, agtawen ti 59, awanan asawa ken maysa a partidor.
Inbatad na a basar iti naiyuswat nga imbestigasyon, mapan kuma iti Brgy. Anggapang ti biktima ken nagna iti kabakiran.
Nu pay kasta, naatake daytoy kas maibasar iti resulta ti eksaminasyon ni Dr. Ma. Christina Pingao wenno ti puon ti nakatayan na ket Cardio Pulmonary Arrest secondary to Acute Myocardial Infarction.
Inpakaammo ni Ramos nga awan met ti nakita a foul play iti pannakatay ti biktima.
Kuna na a posible nga idi kalman pay laeng a natay ti biktima.
Immunan nga inpakaammo ni Ramos a mismo a ti kapitan iti Brgy. Pias Norte ti nareport mainaig iti pannakakita ti maysa a residente iti bangkay ti biktim a nakadasay iti kabakiran.
