LAOAG CITY – Nagtalinaed iti kustodyar ti PNP San Nicolas ken sumango ti reklamo a qualified theft ti maysa a lalaki kalpasan a nagtakaw daytoy iti kukod ti baboy iti slaughter house iti paset ti Brgy. 3 iti ili ti San Nicolas.
Nabigbig ti suspek a ni Joy Luminario y Avenido, agtawen 34, butcher, naasawaan, ken residnte ti barangay 9 iti nadakamat met laeng nga ili.
Segun kada Carmelo Cabinsa, 22, security guard naasawaan ken residente iti barangay 23 vintar kenni Nick Valdez agtawen 35 , naasawaan ken supervisor iti nasao a slaughter house, nakita da nga intaray ti suspek ti supot a naglaon ti lima a kudkod ti baboy nga agbalor 1,100 a pisos.
Kinamat ni Cabinsa ti suspek ngem dagus a nakataray daytoy rason a nagkamang da iti kuerpo ti PNP San Nicolas.
Iti panangiyuswat ti PNP San Nicolas ti hot pursuit operation ket ditoy a naarestar da ni Avenido.
Naamoan nga adda iti ipluwensiya ti nasanger ti suspek idi napasamak ti panagtatakaw.
