LAOAG CITY – Linukatan ti lokal a gobierno ditoy siudad ti Laoag iti maikadua a gundaway ti pasalubong center ditoy siudad.
Indauloan ni Mayor Michael Marcos Keon ti ceremonial ribbon cutting kadua na ni Rev. Fr. Joey Ranjo nag isu ti nangbendisyon iti nasao nga establishimento.
Ti laoag pasalubong center ket masarakan iti Laoag City public market and commercial comple ken isu ti pakailakoan dagitit produkto manipod kadagiti nagduduma nga ili ditoy probinsiya kas iti Dried mango, wine, turmeric tea ken dadduma pay.
Naamoan a ti nasao a proyekto ket inrubuat da Mrs. Julieros Ancheta, Project Development Officer II, ken dagiti personnel ken staff iti City Social Welfare and Development Office nga idadaulwan ni Mrs. Perlita Cabello.
Nakalukat met ti pasalubong center manipod alas-otse ti bigat agingga iti alas singko ti malem.
