LAOAG CITY – Iti siudad ti Machala, Ecuador, nalatak ti “El Inmortal,” maysa a pasdek nga am-ammo iti naidumduma a disenio ken kinatibkerna iti baet ti arig narisgo a disenio.
Iti uneg ti sumurok tallo a dekada, nagtalinaed daytoy a nakatakder iti baet ti napipigsa a ginggined pakairamanan ti maysa a 6.5 magnitude idi 2023.
Masarakan daytoy iti Pichincha ken Buenavista, ti pasdek ket addaan ti nailet a ground floor ken tallo a kadsaaran nga addaan ti lima a metro nga awan ti adigina kas suporta.
Iti kallabes, kalpasan ti napigsa a ginggined, naipadamag nga apagapaman a nagbangking ti pasdek isu a nangikabilda ti warning signages iti aglawlaw daytoy para iti kinatalged ti publiko.
Nupay kasta, inpasigurdo ti akinkukua daytoy a ni Willman Sanchez a natalged daytoy gapu ta indisenio daytoy ti batikan nga inhinyero a ni Jorge Manzano a nasirib iti natitibker a konstruksion.
Inawagan dagiti eksperto manipud iti Risk Management Secretariat tapno arisiten ti kondision ti pasdek ken naminsan manen a napaneknekan ti kinatibker ti pundasionna.
Iti agtultuloy nga spekulasion no inton ano a mabalin a marba, nagtalinaed daytoy a pagtaengan dagiti negosio ken apartment.
