LAOAG CITY – Naipasa ti City Ordinance No. SP2021-007 wenno temporaryo a pannakairekep ti maysa a paset ti Balintawak St., manipud iti alas-siete y media agpatingga iti alas-sais ti rabii iti working days.
Daytoy ket masarakan iti akin laud a paset ti Laoag City Hall a maaramat kas pagparkingan ti lugan dagiti empleyado.
Iti deliberasyon ti dagiti agpanpanday linteg, nadakamat ni Sangguniang Panlungsod Member Jason Perera ti naputar a traffic code iti kallabes, no sadino ti saludsod ket no addaan ti conflict iti nasao nga ordinansa.
Nupay kasta, inbatad ni Vice Mayor Vicentito Lazo nga awan ti conflict iti ordinansa ken ti traffic code.
Maysa pay a nasalusod no saan met laeng a makaparnuay ti nairot a trapiko ngem inpasingked ti bise mayor a saan nga umirot ti trapiko gapu ta maysa laeng a paset ti temporaryo a mapaserraan iti working days.
Tallo met a miembro ti konseho ti nagabstain iti pannakaaprobar ti nasao nga ordinansa.
Kabayatanna, possible pay a maregulate ti panagparking iti Paco Roman St.
Kalikagum ni Sangguniang Panlungsod Member Juan Conrado Respicio, a makasarita da ni Police Chief Master Sergeant Ferdinand Santos tapno maiplano a naimbag para iti pannakaputar ti ordinansa para iti Paco Roman Street.
