LAOAG CITY – Nauram ti paset ti maysa a pagtaengan iti Brgy. Quiling Sur iti siudad ti Batac.
Iti nakalap nga impormasyon ti Bombo Radyo Laoag iti Bureau of Fire Protection iti nasao a siudad, nakaawat da ti report seknan ti uram itay agarup alas-dos ti parbangon.
Iti panagresponde dagiti bombero, nasebseban ti uram itay pasado alas-tres ti parbangon.
Nauram laeng iti akin likod a paset ti pagtaengan.
Naamuan a dua a pamilya dagiti aggigiyan iti maysa a pagtaengan iti nasao a barangay ngem awan kadakuada ti nadangran.
Agtultuloy pay laeng ti imbestigasyon dagiti kameng ti BFP no kasano a namunganay ti uram.
