LAOAG CITY – Inbilin ti Pasig RTC nga agsublin iti pagbalodan ni Kingdom of Jesus Christ (KOJC) founder Apollo Quiboloy.
Segun ken ni Atty. Joeie Domingo, inbilin ti Pasig City Regional Trial Court-Branch 159 nga isublin ni Quiboloy iti pagbalodan ti Bureau of Jail Management and Penology (BJMP) idiay Pasig City malaksid laengen no makapaspasar ni Quiboloy ti medical condition a masapol ti naan-anay a medical attention.
Inbatad ti korte nga adda ti kabaelan ti medical facilities ti Bureau of Jail Management and Penology tapno agsungbat no kasapulan ti tulong medikal ni Quiboloy.
Maipalagip nga idi Enero idi mapalubosan ni Quiboloy nga agtalinaed iti government hospital gapu iti sakitna a pneumonia.
Inbatad ni Domingo a kiniddaw ti kampo ni Quiboloy a palubosan ti klienteda nga agtalinaed pay laeng iti ospital ken makairekord kadagiti bidyu para iti senatorial bid daytoy.
Nupay kasta, saan a mamati ti prosekusion nga adda ti sakit ni Quiboloy.
Immuna iti daytoy, ni Quiboloy ket sumangsango iti human trafficking malaksid pay iti kaso nga Special Protection of Children Against Abuse, Exploitation, and Discrimination Act.
