LAOAG CITY – Kinumpirmaran ni Police Lt. Col. Randy Baoit, pannakangiwat ti Ilocos Norte Police Provincial Office nga umaboten iti 30 ti nairekord nga insidente iti panagpakamatay ditoy probinsya sipud Enero agingga ita a bulan ti Oktubre.
Kuna na nga iti ili ti Pasuquin ti kaaduan ti insidente ti panagpakamatay gapu ta pito ti nairekord ti Municipal Police Station.
Segun kenni Baoit, tallo met ti insidente ti suicide iti ili ti Paoay, sagdudua ken saggaysa nga insidente dagiti nairekord iti sumagmamano nga ili.
Gapu iti daytoy, adda ti maiyus-uswat a seminar babaen ti Women and Children Protection Desk ti PNP tapno maliklikan ti panagpakamatay dagiti maseknan.
Innayon ni Baoit a kangrunaan a rason a nagbekkel dagiti biktima ket gapu ti kinarigat ti panagbiag ken problema iti ayat.
