LAOAG CITY – Inyuswat ti Department of Health ti maysa a digital platform tapno mapaalisto ti access iti healthcare services para kadagiti pasyente iti intero a pagilian.
Daytoy ket ti Patient Appointment System (PAS) a naiyuswat iti Dr. Jose Fabella Memorial Hospital.
Gagem daytoy a maaddaan ti sistema ken mapaalisto ti pannakaipaay dagiti outpatient services kadagiti ospital iti babaen ti ahensiya.
Iti babaen ti Patient Appointment System, maipaayan a dagus ti schedule dagiti agpakonsultar tapno saan nga agur-uray a nabayag wenno agmalmalem dagiti pasyente.
Segun ken ni Health Secretary Ted Herbosa, maiyataday iti nasao nga inisyatiba iti 8-Point Action Agenda ti administrasyon ni Presidente Ferdinand Marcos Jr.
Innayon na a mausar daytoy tapno maamoan ti health trends ken mapasayaat ti pannakaipaay ti serbisyo para iti salun-at.
