LAOAG CITY – Kinumpirmaran ni Police Lt. Roi Manuel Ordonio, hepe ti PNP Pasuquin a restricted ni Patrolman Robin Andres wenno awanan ti ikot na a paltog bayat a nakaduty.
Daytoy ket mainaig iti maipagarup a panagpaputok na ti paltog kabayatan ti anti-illegal gambling operation da iti Brgy. Davila iti nasao nga ili.
Mainaig iti daytoy, manarimaan ti panagimbestigar dagiti kameng ti Provinvial Internal Affairs Service ken iti Investigation Management Unit iti INPPO seknan ti insidente.
Maiyuswat oay ti cross match wenno ballistic exmaination iti biang ti PIAS.
Kabayatanna, nawaya-wayaan dagiti lima a natiliw gapu iti panagsusugal kalpasan a nagpiyansa da iti sag-1,000 a pisos.
Kuna ni Ordonio nga inadmitir dagiti maseknan iti inaramid da.
Maipalagip a natiliw dagiti uppat a lallaki ken maysa a babai iti nasao a barangay ken nagbalin a kontrobersyal ni Andres gapu ti maipagarup a panagpaputok na ti paltog.
