LAOAG CITY – Naragsak nga inpakammo ni Acting General Manager Perry Martinez iti Ilocos Norte Electric Cooperative (INEC) nga agbalinen a tallo a bulan ti pawayway dagiti member consumers tapno makabayad iti bill ti kuryente manipud iti dua a bulan.
Segun kenni Martinez, daytoy ket tapno awan dagiti saan a makabayad ti kuryente nangruna ket ti kooperatiba ti mapukawan no saan a mabayadan dagitoy.
Malaksid iti daytoy, inpakammo pay ni Martinez a bimmaba iti 63 centavos iti kada kilowatt hour wenno maipud iti 11.40 ket nagbalinen a 10.76 kada kilowatt hour iti bulan ti Disyembre.
Inbatad na pay a napintasen ti cash flow ti Ilocos Norte Electric Cooperative gapo ta iti kallabes ket adda ti nagbalin a problema ngem ita ket nasolbaren.
