LAOAG CITY – Kinumpirmaran ni Barangay Chairman Rocky Curameng iti Barangay Poblacion Dos iti ili ti Pagudpud nga adda ti nadaklisan ti kabarangayan da a pawikan.
Segun ken ni Curammeng, ti pawikan ket addaan ti “name tag” a pagilasinan a subsubaybayan daytoy ti Department of Environment and Natural Resources (DENR).
Kuna na a ti pawikan a nakalapan ti kabarangayan da a ni Boy Molina ket agatiddog iti agarop maysa a metro.
Nupay kasta, kalpasan a naireport iti DENR ket naibilin a paluspusan da gapu ta madlaw a nakapsuten daytoy.
Inpakaammo ti kapitan a saan a daytoy ti damo nga adda ti nakalapan dagiti kabarangayan na a pawikan.
Gapu iti daytoy, inpagunam-gunam na kadagiti kabarangayan na a no adda ti makalkalapan da a pawikan ket saanda a partyen gapu ta mailabsing daytoy iti paglintegan.
