LAOAG CITY – Nakigtot ken naragsak ni Mr. Ian Brub, care taker ti maysa a resort iti Sitio Pagwadan, Barangay Naglicuan iti ili ti Pasuquin a nakakita ti nagitlog a dakkel a pawikan iti igid ti baybay.
Segun kenni Brub, timmawag ti kasinsin na nga adda ti nakita na a pawikan rason a dagus da a nagturong iti nasao a lugar.
Inlawlawag na nga idi nakita da dagiti itlog ti nasao a pawikan ket dagus da a ginaburan ti darat tapno saan a makita dagiti aso ken tapno maprotehiran.
Inbatad na a gapo ta daytoy ti ummuna a gundaway a nakakita ti panagitlog ti pawikan ket saan na nga ammo a taripatwen.
Nupay kasta, dagus da met nga intawag iti kapitan ti barangay ti nakita da ken inpakammo dan iti Dept. of Environment and Natural Resources (DENR).
Kunana ti tantsa na ket agdagsen ti pawikan ti 30 agingga iti 40 a kilos.
