LAOAG CITY – Nasigayan ti maysa a mangngalap a taga Brgy. Maglaoi Norte, Currimao, Ilocos Norte ti maysa a pawikan kabayatan ti panagkalap na iti baybay.
Daytoy ti kinumpirmaran ni Barangay Chairman Leomel Sumngat iti nasao a barangay.
Inbatad ti kapitan a daytoyen ti maikatlo a gundaway a nakakalap ti pawikan ti kabarangayan da a ni Darwin Cayabyab.
Inlawlawag na nga apaman a naamoan na ti pannakasigay manen ni Cayabyab iti pawikan ket inpakaammo da met a dagus ken ni Mayor Edward Quilala.
Insigida a napan kinita ti mayor ti pawikan ngem gapu ta makita da a saan a napintas ti kondisyon na ket pinaluspusan da a dagus gapu ta possible nga ad-adda laeng a kumaro ti sitwasyon ti pawikan no agbayag pay iti takdang.
Inpakaammo ni Barangay chairman Sumngat a nagkari ni Mayor Quilala a sukatan na ti naperdi a sigay ni Cayabyab gapu iti pannakadadael iti pannaksiagay na iti pawikan.
Ti pawikan a maibilang nga endangered species.
