LAOAG CITY – Agtalek ni Presidente Ferdinand Marcos Jr. iti baro a nadutukan nga army chief a mapagtalinaed na ti integridad ken propesyunalismo ti armada ken nakasagana a mangsango kadagiti karit kas ti geopolitical tensions a maysa kadagiti kadakkelan a karit a sangsangwen ti lubong.
Iti change of command ceremony iti Philippine Army, awan ti panagdudua ni Presidente Marcos iti kabaelan ni Lt Gen Antonio Nafarete.
Inpetteng ni Presidente Marcos nga iti baet ti kumarkaro a pangta iti seguridad ken geopolitical tensions, kasapulan nga agtalinaed a natalged ti baro a liderato ti armado ken agserbi kas adigi ti propesyonalismo ken integridad.
Kabayatanna, inpasingked manen ni Presidente Marcos ti naan-anay a suporta na iti Armed Forces of the Philippines ken iti Phil Army kangrunaan na ti agtultuloy a panaggatang kadagiti kabarwanan a kagamitan.
Nagpanawagan met ti presidente kadagiti tropa ti gobierno nga itultuloy ti panagbalin da a dedikado ken napudno a panagserbi iti umili.
