LAOAG CITY – Nagtalinaed ti takder ti Malakanyang a ti maaramid ni Presidente Ferdinand Marcos Jr. ket ti sumurot iti linteg ken agtungpal iti rule of law.
Daytoy ti sungbat ni Palace Press Officer USec. Claire Castro mainaig iti nagbalin nga apela iti napalabas a lawas ni Senador Ronald “Bato” Dela Rosa ken ni Presidente Marcos a protehiran daytoy kas maysa a Pilipino.
Segun ken ni Castro, basar iti nagbalin a komento ti Office of the Solicitor General (OSG) iti Korte Suprema, saanen a dumalan pay iti local court ti warrant of arrest kontra ken ni Dela Rosa.
Kabayatanna, naglikudan ni Department of the Interior and Local Government (DILG) Secretary Jonvic Remulla nga spliced wenno naedit ti inparuk-at da a video mainaig iti ipapanaw ni Dela Rosa manipod iti Senado.
