LAOAG CITY – Binalewala laeng ni Presidente Ferdinand R. Marcos Jr. dagiti pammati nga adda ti pakainaigan na iti panagsukat ti liderato iti senado.
Inpalgak ti presidente a saanna pay a nakasarsarita ni dati a Senate President Juan Miguel Zubiri seknan iti isyu.
Rakurak daytoy ni Presidente Marcos kalpasan a naalaan ti komento iti maysa nga interview bayat ti kaadda na idiay Brunei mainaig iti nadakamat ni Zubiri a naikkat iti turay gapu ta maipagarop a saanna a tinungpal dagiti pammilin manipod iti ngato.
Inbatad ni Presidente Marcos a naamoan na laeng ti maipanggep ti shakeup iti Senado idi inbaga kenkuana ni Sen. Francis “Chiz” Escudero a padasen na ti agbalin a Senate President.
Inpetteng ti presidente a saan a makisarsarita iti aniaman a partido ken naamoan na laeng a nakatugawen ni Escudero kas mangidaulo iti Senado idi nagsubli idiay Maynila manipod iti out-of-town trip.
Iti pannakasaludsud ken ni Marcos no adda paylaeng ti panagtalek na ken ni Zubiri, positibo ti sungbat ti presidente ngem inpaganetget na a saan nga isuna ti nagdesisyon iti panagbalbaliw ti liderato ti Senado.
