LAOAG CITY – Dinutukan ni Presidente Ferdinand Marcos Jr ni Criminal Investigation and Detection Group (CIDG) Director PMGen. Nicolas Torre kas sumaruno a Philippine National Police Chief kasukat ni Police Gen.Rommel Francisco Marbil nga agretiron iti serbisyo.
Segun ken ni Executive Secretary Lucas Bersamin, lima a nagan ti nagpilian ni Presidente Marcos Jr tapno agbalin a mangidaulo iti nailian a pulisya ngem nagpannuray ni Torre.
Ni Torre ti kaunaan a Philippine National Police Academy graduate nga agtugaw kas Philippine National Police Chief.
Ni Torre ket miembro ti Philippine National Police Academy (PNPA) 1993.
Inbatad ni Bersamin a ti appointment ni Torre ket basar iti merito ken ti performance na.
Inkalintegan ti Malakanyang ti pannakatuduk ni Police Major Torre no sadinno a ti pannakapili na ket adda ti pagilian nga awan ti mabalin a mangkwestyunar.
Saan met a maibaga ni Bersamin a ti nagbalin a performance ni Torre iti pannakatiliw ken ni Kingdom of Jesus Christ Pastor Apollo Quiboloy ken ni dati a Presidente Rodrigo Duterte ti makaigapu iti panangpili ti presidente ken ni Torre.
Kuna pay ni Bersamin nga amin a promosyon ket maibilang a gunguna ngem awan ti katukad na a merit.
Innayon na nga adda pay ti sabali a konsiderasyon ken kababalin nga inkonsiderar ti presidente kas ti kababalin met nga adda kadagiti dadduma pay a contenders iti pwesto.
Ni Torre ket addaan ti dua nga estrella ken maawat na ti maikapat wenno kangatoan a ranggo iti Philippine National Police apaman a maiyuswat ti turn over ceremony intono Hunyo 2, 2025.
