LAOAG CITY – Immanamong ni Presidente Ferdinand Marcos Jr. a maisubli ti dati nga school calendar ti Department of Education (DepEd) wenno pagbalinen nga Abril ken Mayo ti bakasyon ken Hunyo ti serrek dagiti agad-adal.
Iti maysa nga interview ken ni Presidente Marcos iti Pasay City, inbatad na a mangnamnama nga iti sumaruno a tawen ket maipatungpalen daytoy.
Inpakaammo ti Presidente nga isuna a mismo ti nangkiddaw iti Department of Education nga adalen a naimbag dagiti lungalong ken mangisumitir ti rekomendasyon mainaig iti daytoy a banag.
Innayon ni Presidente Marcos a panawenen tapno maisubli ti dati nga school calendar gapu ta inaldaw a mabuybuya iti telebisyon, mangmanggeg iti radyo ken mabasbasa kadagiti pagiwarnak ti pannaka-kanselar dagiti klase gapu iti nakaro a kinabara ti panawen.
Immunan nga inrakurak ti Department of Education nga isumitir da iti Palasyo ti Malakanyang ti rekomendasyon da iti kabiitan a panawen.
