LAOAG CITY – Nagpanawagan ni Presidente Ferdinand Marcos Jr. kadagiti amin a pribado nga ospital a makikinnaysada iti PhilHealth para iti pannakaipalawa ti co-payment policy tapno makissayan ti bayadan dagiti pasiente.
Iti speech ti Presidente iti panagpirmana ti Memorandum of Agreement iti nagbaetan ti PhilHealth ken St. Luke’s Medical Center, inbatadna a saan nga umanay nga agbalin a peggad ti kinakurang ti kuarta tapno makaala ti kasapulan a serbisio ti medikal.
Segun iti Presidente, masapol nga agtinnulong ti gobierno ken dagiti pribado a sektor tapno kabaelan ken accessible ti healthcare iti amin a Pilipino.
Karaman kadagiti addang ti gobierno ket ti Zero Balance Billing kadagiti Department of Health hospitals, medical assistance para kadagiti indigent a pasiente ken pannakaipalawa kadagiti PhilHealth benefits.
Mainaig iti daytoy, ginutigot ti Presidente dagiti dadduma pay nga ospital ditoy pagilian a suportaranda ti no co-payment policy tapno masigurado nga amin a Pilipino ket maikkan ti naan-anay a serbisio medikal aglalo kadagiti nakukurapay.
