LAOAG CITY – Inallukoy ni Presidente Ferdinand “Bongbong” Marcos Jr. dagiti agduduma a sektor a mangipaay ti konkreto a solusion a nasursurok pay ngem kadagiti kari ken balligi ti administrasion iti maikalima nga State of the Nation Address (SONA) ita nga aldaw ti Lunes, Hulio 27.
Segun kadagiti mangngalap iti Zambales a makapaspasaran kadagiti karit gapu iti nangato a presio ti langis ken tension iti West Philippine Sea (WPS), ti panangprotehir iti pagsapolanda ken mangrugi iti naiget a presensia ti gobierno iti kabaybayan ken agtultuloy a tulong.
Mainaig iti daytoy, ginutigot ni Regino Romero, chair ti Subic Hook and Line Fishermen’s Association, ti gobierno a paigeten ti panagpatroliada tapno maprotehir dagiti mangngalap a Pilipino tapno malappedan ti panang-harass kadaduada kagiddan ti extension pay ti fuel subsidies para kadagiti mangngalap nga asideg iti Bajo de Masinloc (Scarborough Shoal).
Impakaammo met dagiti public utility drivers ti agtultuloy a bumasbassit a pagsapolanda gapu iti panagngato ti presio ti langis.
Inallukoy met ti Kilusan Para sa Tunay na Repormang Agraryo ken Katarungang Panlipunan ni Presidente Marcos kas chair ti Presidential Agrarian Reform Council nga i-protehir ti agricultural lands, iresolba ti nabayag a pending land disputes, lappeden ti panangbaliktad iti nagun-od a reporma ken isardeng ti kriminalisasion dagiti mannalon a mangidepdepensa dagiti karbenganda.
