LAOAG CITY – Inaprubaranen ni Presidente Ferdinand Marcos Jr. ti promosyon dagiti 17 a senior officer ti Philippine National Police, maibasar iti memorandum ti Department of the Interior and Local Government.
Napirmaan ti appointment papers ti Presidente ken naipatuloden ti Department of the Interior and Local Government babaen ken ni Executive Secretary Ralph Recto, maibasar iti memorandum a napetsaan iti Abril 20 a naipatulod ken ni Philippine National Police Chief Jose Melencio Nartatez Jr.
Na-promote kas major general da Brig. Gen. Wilson Asueta, direktor ti Anti-Cybercrime Group, ken Brig. Gen. Jay Cumigad, director for plans.
Kabayatanna, nagbalin met a brigadier general da Col. Madeline Cacao (chief, Center for Police Strategy Management), Col. Rodel Pastor (chief, NCRPO Staff), ken Col. Dominic Baccay (executive officer, Directorate for Plans).
