LAOAG CITY – Inbilin ni Presidente Ferdinand ‘Marcos Jr. iti newly appointed a ni Department of Transportation Secretary Vivencio ”Vince” Dizon a pagbalinen a komportable ti biag dagiti commuters.
Inaramid daytoy ni Presidente Marcos kalpasan ti panagsapata ni Dizon kas baro a sekretaryo iti Department of Transportation.
Ni Dizon ket sinukatan na ni dati a Department of Transportation chief Jaime Bautista.
Immunan a nagserbi ni Dizon kas mangidaulo ti Bases and Conversion Development Authority (BCDA).
Iti kangitingitan ti pandemiya, nagserbi ni Dizon kas deputy chief implementer ti National Task Force Against COVID-19.
Kabayatanna, inmandar ni Dizon iti Toll Regulatory Board (TRB) a masuspenso ti implementasyon ti cashless toll collection iti amin nga expressways, epektibo intono Marso 15 ita a tawen, kagiddan ti panangibaga na a ti episyente nga automated toll collection ket masapol a maadal nga umuna.
