LAOAG CITY – Inbilin ni Presidente Ferdinand R. Marcos Jr. iti Department of Agriculture (DA) a siguradwen nga alisto ti pannakaidanun ti amin a klase ti suporta para kadagiti mannalon tapno maliklikan ti aniaman a pannakaitatan ita a “planting season.”
Inaramid daytoy ni Presidente Marcos iti pannakitaripnong na kadagiti opisyal ti Department of Agriculture kadwa da dagiti economic manager iti Palasyo ti Malakanyang.
Binilin pay ti presidente ti Department of Budget and Management (DBM) nga iprayoridad ti sektor ti agrikultura ken siguradwen ti budgetary support.
Kabayatanna, inpetteng ti Department of Agriculture nga iti babaen ti usto a tulong iti ‘fertilizers, quality seeds, ken teknolohiya’, mabalin a papigsaen na dagiti mannalon ken pagbalinen nga ad-adda pay nga agbalin a produktibo.
