LAOAG CITY – Inbilin ni Presidente Ferdinand Marcos Jr. ti alokasyon wenno pannakailatang ti P10 billion para kadagiti mannalon ken mangngalap nga apektado ti panagngato ti presyo ti langis.
Inbatad ni Executive Secretary Ralph Recto a ti baro a direktiba ni Presidente Marcos ket gagem na ng iyalud-od ti fuel subsidy program iti babaen ti panangiraman iti “food producers” dagiti benepisaryo.
Kuna pay ni Recto a ti baro nga inisyatibo ti presidente ket makatulong kadagiti mannalon a mangsango ti epekto ti mapaspasamak a riribok iti Middle East a nangitunda ti global oil price hikes.
Innayon na nga ammo ti gobierno a dagiti mannalon ken mangngalap ket mangnamnama iti fuel, isut gapuna a naibilin ken ni Agriculture Secretary Francisco Tiu Laurel Jr. a tulungan dagitoy iti kabiitan a panawen.
Ti pondo ket makaot manipod iti Presidential Assistance for Farmers and Fisherfolk Program (PAFF) iti babaen ti 2026 budget ti Department of Agriculture.
