LAOAG CITY – Inbilin ni Presidente Ferdinand Marcos Jr. ti Philippine National Police a siguradoen nga adda ti agsungbat iti kada tawag babaen ti baro a 911 response technology ti pagilian.
Inrakurak ni Marcos ti maminsan manen a panangbiag ti Emergency 911 Hotline ket makapagresponde dagiti kapulisan iti rinibu nga emergency calls manipud iti police assistance agingga iti police interventions pakairamanan ti search and rescue.
Inlawlawagna nga aniaman ti sasaaden ti panawen ket nasken nga adda ti agsungbat iti tawag ti publiko nga agkidkiddaw ti tulong iti aniaman nga oras ken aniaman ti situasion ti paniempo.
Inpetteng ti Presidente a daytoy ti wagas tapno maminsan manen a maisubli ti talek ti publiko iti kapulisan.
Kabayatanna, ti 911 system ket maysa a technology provided a nangabak iti bidding para iti kontrata nga agbalor ti 1.4 bilyon a pisos a karaman iti features daytoy ti baro a sistema nga addaan ti kabaelan tapno ma-detect ti lokasion ti maysa a tao a tumawtawag.
