LAOAG CITY – Indaulwan ni Presidente Ferdinand Marcos Jr. ti command conference ti Armed Forces of the Philippines.
Daytoy met ti kaudian a panagatendar ni outgoing Armed Forces of the Philippines Chief of Staff General Romeo Brawner Jr.
Inatendaran daytoy dagiti nangangato nga opisyal ti Armed Forces of the Philippines karaman ni Defense Secretary Gilberto Teodoro Jr.
Naikeddeng nga agretiro ni Brawner intono Hulyo 20 kalpasan ti 41 a tawen na iti military service.
Inpresentar ti Armed Forces of the Philippines kenni Presidente Marcos dagiti accomplishments ken operational updates iti babaen ti military campaign plan da.
Kas Commander-in-Chief, naipaayan ti presidente ti sumagmamano nga impormasyon kadagiti agtultuloy nga operations ken strategic plans, ken kangrunaan a programa tapno agbalin a natalged ken i-secure ti archipelago iti babaen dagiti koordinasyon iti sumagmamano nga ahensya.
Inpakita pay dagiti opisyal ti Armed Forces of the Philippines dagiti military accomplishments kadagiti naglabas a tawen ken uray dagiti prayoridad, inisyatibo ken operational objectives iti masangwanan.
Ni Brawner ti kaunaan nga AFP Chief a nakumpleto na ti tallo a tawen a termino iti babaen ti Republic Act 11939.
Awan pay ti napili ni Presidente Marcos akasukat ti agtawen ti 58 a ni Brawner.
