LAOAG CITY – Sinigurado ni Pres. Ferdinand Marcos Jr. a saan a makaliklik iti imbestigasyon ti Independent Commission for Infrastructure (ICI) dagiti kaalyado ken no adda ti pakainaigan da iti kurapsyon ket rumbeng nga agsungbat dagitoy.
Segun iti Presidente, uray ti kasinsin ken kaalyado na a ni House Speaker Martin Romualdez ken dati nga Appropriations panel Chairman ken Ako Bicol Partylist Rep. Zaldy Co ket saan a makaliklik iti imbestigasyon ti ICI nga isu ti agimbestigar iti anomalya a flood control projects.
Ummunan nga inpetteng ti presidente nga awan ti santoen na iti daytoy nga isyu.
Saan met a lapdan ti presidente ti Kamara ken Senado a mangiyuswat iti bukod da nga imbestigasyon. Kabayatanna, ummunan nga inbatad ti presidente a posible laeng a biktima ti name-dropping ni Speaker Martin Romualdez.
