LAOAG CITY – Kinablaawan ni Presidente Ferdinand R. Marcos Jr. ni Pinay tennis star Alex Eala kalpasan a nangabak daytoy iti Women’s Tennis Association singles no sadinno ket inatiwna ni Jessica Pegula ti Estados Unidos.
Dinayaw ni Presidente ni Eala iti baro a nagun-odna bayat a panpaneknekan ni Eala no kasano ti kaadayo ti madanunan ti Pilipinas iti pakasaritaan ti tennis.
Segun iti Presidente, agtultuloy a mangmangted ti inspirasion ni Eala iti ado nga agtutubo a Pilipino a makagun-od ti panagballigi.
Innayon pay ni Presidente Ferdinand R. Marcos Jr. a kadua ni Pinay tennis superstar dagiti amin a Pilipino iti panangselebrarna iti baro a nagun-odna kas kaunaan a Pilipina a nakaala ti WTA championship.
