LAOAG CITY – Naituding a mapan bumisita idiay Japan ni Presidente Ferdinand Marcos Jr. intono Mayo ita a tawen.
Basar iti Malacañang, maisayangkat ti panagbisita ti presidente manipod iti Mayo 26 agingga iti Mayo 29.
Kadwa ti presidente a mapan bumisita iti imbitasyon ti gobierno ti Japan ni First Lady Liza Araneta-Marcos.
Mangisayangkat ni Presidente Marcos ti summit meeting ken ni Japanese Prime Minister Sanae Takaichi.
Namnamaen a trataren ti dua a lider ti naiget a koordinasyon ti Japan ken Pilipinas.
Karaman pay iti maisayangkat a taripnong dagiti negosyante ti Japan ken dagiti Filipino community iti nasao a pagilian.
Maipalagip a ti naudi a presidente iti Pilipinas a naudi a napan bimmisita idiay Japan ket idi pay panawen ni dati a Presidente Benigno Aquino III idi Hunyo 2015.
