LAOAG CITY – Masapol nga idaulwan ni Presidente Ferdinand “Bongbong” Marcos Jr. ti lifestyle check kalpasan ti panangibilin na ti idadalan dagiti amin nga opisyal ken empleado ti gobierno.
Inaramid daytoy ni Presidente Marcos kabayatan ti imbestigasyon kadagiti maanomalya ken palpak a flood control projects.
Inpetteng ni House Deputy Minority Leader Antonio Tinio a no agkedked ti presidente nga agpa-lifestyle check ket mangitunda laeng ti kinaawan ti transparency ti pammilin na.
Inpaganetget ni Tinio a saan a makalisi ti presidente iti imbestigasyon mainaig iti korapsyon iti babaen laeng ti panangipadalan na iti dadduma iti isu metlaeng a proseso.
Innayon na a kas chief executive a mangkonkontrol iti binilyon a confidential ken intelligence funds nga addaan ti zero transparency requirements, ni Marcos ti ad-adda nga akin-responsiblidad para iti kultura ti korapsyon nga ad-adda pay a kimmaro iti babaen ti administrasyon na.
