LAOAG CITY – Nagkedked paylaeng ni Presidente Ferdinand Marcos Jr a mangipaay kadagiti detalye mainaig iti pannakapagawid ni Mary Jane Veloso iti pagilian.
Segun ken ni Presidente Marcos, nakisarita ti gobierno ti Indonesia a saan da paylaeng a mangiparuk-at ti aniaman a detalye seknan iti daytoy a banag.
Kuna ti presidente a respetaren da ti kiddaw ti gobierno ti Indonesia.
Immunan a nangiparuk-at ti gobierno ti Indonesia nga awan ti kondisyon nga ipatungpal da ken kayat da metten a makaawid ni Veloso sakbay ti paskua.
Iti met biang ti gobierno ti Pilipinas, irakurak iti kallabes ti Department of Foreign Affairs a baybay-an paylaeng isuda nga agtrabaho.
