LAOAG CITY – Naglikudan ni Presidente Ferdinand Marcos Jr. ti alegasion mainaig iti maipatpatungpal a maipagarup selective justice iti administrasionna.
Inbatad ni Presidente Ferdinand Marcos Jr. a saanna nga annumongan ti nadakamat nga alegasion ken ilawlawagna a ti administrasionna ket naka-sentro iti umno a hustisia.
Daytoy ket kalpasan nga inrakurak dagiti miembro ti Iglesia ni Cristo nga adda ti selective justice iti administrasiong Marcos no sadinno ket adda dagiti pabpaburanna.
Mainaig iti daytoy, inpetteng ni Palace Press Officer Under Secretary Claire Castro a bayat kadagiti alegasion mainaig iti Presidente ket adda dagiti kaalyado ti Presidente ken asideg ti gobierno a naipilaan ti kaso a mangpaneknek a saan nga umno ti selective justice nga irakrakurak da kenkuana.
Innayonna pay nga awan ti pabpaburan dagiti gakat aniaman ti koneksionna iti gobierno basta addaan ti umno ken naan-anay nga ebidensia a mangpaneknek a ti maysa nga inbidual ket saan a naglabsing.
