LAOAG CITY – Nagpanawagan ni Presidente Ferdinand Marcos Jr., kadagiti Pilipino a pagpannurayen ti kinatured, panagkaykaysa ken panangipateg ti pagilian iti baet dagiti agtultuloy a karit.
Iti mensahe ti Presidente iti selebrasyon ti Araw ng Kagitingan, inpetteng na a ti pigsa ti pagilian ket marukud saan laeng nga iti balligi no di ket ti kabaelan dagiti umili nga agkaykaysa ket tumakder.
Inpetteng ni Presidente Marcos ti kinapateg ti panagsisinnakit, panagtitinnulong ken takderan ti usto kas tulbek iti panagballigi ti pagilian.
Linagip pay ti presidente ti kinabanuar dagiti soldado a Pilipino a limmaban para iti panagwaywayas iti Bataan ken Corregidor, no sadinno a kuna ni Marcos nga agtultuloy a mangipapaay ti inspirasyon iti agdama nga henerasyon.
Ginutigot pay ni Marcos ti publiko a pagtalinaeden a sibibiag ti anag ti kinatured tapno magun-od ti gagem ti maysa a nadur-as a “Bagong Pilipinas.
