LAOAG CITY – Mamati ni Presidente Ferdinand Marcos a napateg nga agtinnulong ken agkaykaysa para iti panagdur-as ti sektor iti agrikultura ti pagilian tapno magun-od ti arapaap nga awan ti Pilipino nga agbisin iti panpandayen ti gobierno a maysa a Bagong Pilipinas.
Inpetteng ni Presidente Marcos a nakasagana ti gobierno a tulungan dagiti mannalon isut gapuna a ginutigot na dagitoy a saan a mabain nga umasideg iti Department of Agriculture ken iti National Irrigation Administration no kasapulan dagitoy ti training, makinarya, pasilidad wenno tulong pinansiyal para iti pagpuunan da.
Nagpanawagan pay ti presidente kadagiti mannalon iti Isabela, intero a rehiyon 2, ken iti intero a pagilyan a makikaysa iti arapaap ti gobierno para iti epektibo ken moderno, ken al-alisto a wagas ti panagtalon.
Panawagan daytoy ti presidente bayat ti panagibunong ti gobierno kadagiti solar-powered pump irrigation projects iti Isabela.
Inlawlawag ni Presidente Marcos a ti nasao a proyekto ket maysa kadagiti ilunglungalong iti Bagong Pilipinas, pammaneknek daytoy ti panangikarkarigatan ti gobierno a padur-asen ti moderno a panagtalon ditoy Pilipinas.
