LAOAG CITY – Nagtalinaed a committed ni Presidente Ferdinand Marcos Jr., iti panangsolbar ti ngumatngato a presyo dagiti kangrunaan a magatgatang, pakairamanan ti bagas.
Iti maysa nga interview, inbatad ni Presidential Communications Office Undersecretary ken Palace Press Officer Claire Castro nga agdama a kitktiaen ni Presidente Marcos ti possible a ramot ti panagngato ti presyo ti bagas.
Kuna pay ni Castro a tututukan ti presidente no ania ti problema no apay a saan a maipababa nga usto ti presyo ti bagas iti pagilian.
Nagballaag met ni Castro a mapatawan ti nadagsen a pannusa dagiti economic saboteur, kangrunaan na dagiti smugglers ken hoarders, a mangmanmanipular iti presyo dagiti agricultural products.
