LAOAG CITY – Nangipaay ti mensahe ni Presidente Ferdinand ‘Bongbong’ Marcos Jr. kadagiti umili ditoy probinsia ti Ilocos Norte babaem ken ni First District Congressman Sandro Marcos.
Segun iti congressman, kayat nga ipadanon ti presidente nga uray ana man ti mapaspasamak iti politika, pakairamanan dagiti kritisismo kontra kenkuana ken iti administrasion na ket saan koma a pakadanagan ti publiko.
Inpanamnama met ni Presidente Marcos nga agtultuloy ti pannakaipaay ti tulong ken suporta kadagiti umili ditoy probinsia.
Maipalagip a naruay dagiti maibatbato a kritisismo iti biang ti presidente ken ni Vice President Sara Duterte, kalpasan nga immununnan a pinangtaan ti bise presidente ni Presidente Marcos, First Lady Liza Araneta Marcos ken ni House Speaker Martin Romualdez no adda ti mangpapatay kenkuana.
